Västerbottenin kansaliset vähemistöt/ Nationella minoriteter i Västerbotten

Kielipakeetti – suomeks, saameks ja meänkielelä

Region Västerbotten tarjoaa yhteistyössä vähemistöyhistyksitten kans ilmhaisia kielipakeettia vanheemile eli tulevile vanheemile. Ja sillä tavala eistävät lasten ja nuorten kielelistä ja kulttuurista identtiteettiä. Kielipakeetit on suomeks, saameks ja meänkielelä.

Kielipakeetti sisältää materiaalia jokka vahvistavat sinun lapsen kansalisia vähemistökieliä, esimerkiks satuja, loruja ja vebbiosotheita sivhuin missä on lissää sisältöä kansalisela vähemistökielelä.

Tillaa kielipakeetin

Tillaa kielipakeetti lähättämällä meili missä on sinun nimi, telefooninumero, osote ja toivottu kieli tänne: sprakpaket@regionvasterbotten.se 

Kielipakeetti lähätethään sitten suorhaan sulle kotia.

Jos sulla on kysymyksiä kuinka sie tillaat kielipakeetin sie saatat kans soittaa 090-785 70 04. 

Sinun tiot tulthaan ainuasthaan käythään ette lähättää kielipakeetin sulle ja sitten net poistethaan.

Lue lissää kuinka met käsittelemä sinun henkilötietoja (ruottiks)

Tietojen kääntäminen

Informasjuuni jossa on suuri ylheinen kiinostus käänethään vähemistökielhiin ja sillä tavala tieto tullee käytettäväks niin monele kun maholista. Se saattaa esimerkiks koskea brosjyyritten informasjuunia, rekiuunin vebbisivua, anonsissa, informasjuunifilmissä eli lähätyksissä asuntoihin. Sivula 1177.se on tietoja terhveyvestä ja hoijosta käänettynä vähemistökielhiin.