Nasjonaale unnbelåhkoeh/ Nationella minoriteter (Sydsamiska)

Sveerjesne laake man nomme ”Laake nasjonaale unnebelåhkoej jïh unnebelåhkoegïeli bïjre”, dan aajkoe lea nasjonaale unnbelåhkoej reaktaj nænnostidh. Daesnie datne maahtah laakem lohkedh nasjonaale unnbelåhkoej jïh unnebelåhkoegïeli bïjre.

Nasjonaale minoriteete Sveerjesne lea dåehkie almetjistie mij sjïere krïevemh illie. Dåehkie tjuara ektioevoetem utnedh jïh ij domeneereme sijjiem sïebredahkesne utnieh, religijöösen, gïeleldh jïh/jallh kulturellen ektievoetem utnedh, dïhte sæjhta dan identiteetem utnedh jïh histovrijen jallh guhkiem Sveerjesne orreme. Sveerjen nasjonaale unnebelåhkoeh leah judarh, romerh, saemieh, sveerjesoemeladtjh jïh torneladtjh. Dah nasjonaale unnebelåhkoegïelh leah jiddisch, romani chib, saemiengïelh, soevmengïele jïh meänkieli.

Almetje jïjtje nænnoste jis dïhte dåehkesne govlesåvva.

Maadthvaarjelimmie

Gaajhki nasjonaale unnebelåhkoej maadthvaarjelimmie lea aaj Region Väserbotten edtja:

  • Årroejidie beavna laaken bïjre nasjonaale unnebelåhkoej jïh unnebelåhkoej gïeli bïjre.
  • Unnebelåhkoegïelide evtiedidh jïh vaarjelidh.
  • Unnebelåhkojde nuepiem vedtedh dej kultuvride utnedh jïh evtiedidh.
  • Nupieh vedtedh guktie sjïere maanah skreejredh guktie dah maehtieh dej kultuvrelle identiteetem evtiedidh. .
  • Nasjonaale unnebelåhkojde nuepiem tsevtsemasse vedtedh dejtie gyhtjelasside mejgujmie guhtide duehtieh jïh sjïehteleslaakan unnebelåhkojne dagkeri gyhtjelassine råårestalledh.
  • Ulmieh jïh njoelkedassh nænnoestidh regionen unnebelåhkoepolitihken barkose.

Reeremedajve

Region Västerbotten lea saemien, meänkielin jïh såevmiengïelen reeremedajve. Dïhte sæjhta jiehtedh årrojh mah dejtie gïelide soptsestieh sjïere reaktah utnieh. Fïerhten jaepien Region Västerbotten staaten dåarjoem åådtje maam edtja barkosne nuhtjedh dej unnebelåhkoej reaktah nænnoestidh.

  • Årroejh reaktam utnieh dejtie gïelide nuhtjedh gosse njaalmeldh jïh tjaaleldh åejvieladtjigujmie bïeljelidh jïh njaalmeldh vaestiedassem seamma gïeline åadtjodh.
  • Region Västerbotten edtja gïehtelidh årrojidie daejnie gïeline dåastoehtidh.

Vielie bïevnesh laaken bïjre nasjonaale unnbelåhkoej jïh unnebelåhkoegïeli bïjre

Tjåanghkoelahtestimmieh

Guktie nasjonaale unnebelåhkoeh edtjieh nuepiem tsevtsemasse åadtjodh dejtie gyhtjelasside mejgujmie guhtide duehtieh Region Västerbotten ektieråårestallemem öörnie unnebelåhkoegujmie. Tjåanghkoelahtestimmieh ektieraerijste gååvnesieh Region Västerbottenen webbsijjesne bæjhkoehtamme. Lahtestimmieh leah GDPR:en mietie identifieeremem namhtah.

Ektieraerien tjåanghkoelahtestimmieh (tjåanghkoelahtestimmie sveerjengïelesne)