Informationsmaterial och riktlinjer > Andra språk > Meänkieli_Tornedalsfinska > Vaikuta kansalisena vähemistönä_ Påverka som nationell minoritet

Vaikuta kansalisena vähemistönä/ Påverka som nationell minoritet

Kansaliset vähemistöt saattavat eri tavoila vaikuttaa Region Västerbottenia ja esittää heän mielipitheitä. Se on tärkeä rekiuunin työle kansalisitten vähemistöitten kans ette saa kuulla mielipitheitä ja esityksiä.

Yhteisneuvonta Region Västerbotten ja kansaliset vähemistöt

Region Västerbotten järjestää yhteisneuvontaa vähemistöitten kans ja sillä tavala kansaliset vähemistöt saavat vaikutusvaltaa kysymykshiin jokka kiinostavat heitä. Se tapahtuu vähhiinthään kerran vuessa avvoimessa yhteisneuvonassa, mutta kans kun käsitelthään asioita jokka koskevat vähemistöjä. Se saattaa esimerkiks koskea uuttaa kulttuurisuunitelmaa eli rekiunaalista kehityssuunitelmaa. Rekiuunin puolesta osalistuu puliittisia eustajia jokhaisesta lautakunnasta, siis terhveys- ja siukkahoitolautakunta, rekiunaalinen kehityslautakunta ja rekiuunin johtokunta. Virkamiehiä eri hallinoista osalistuvat jos on toive ja jos on nykyhetken kysymyksiä.

Ota yhteyttä Region Västerbotten

Jos sulla on mielipitheitä, kysymyksiä eli ajatuksia kuinka Region Västerbotten on töissä ette seurata kansalisten vähemistöitten ja vähemistökielitten lakia eli yhteisneuvonasta sillon saatat kontaktata Ann-Sofi Grenholm joka on koordinaatturi Region Västerbottenin kansalisile vähemistöile.

AnnSofi.Grenholm@regionvasterbotten.se.

Tule aktiiviseks

Sie saatat kontaktata eri vähemistöyhistyksiä ja tulla aktiiviseks näissä.